حفـلة ولا سـفرة ؟

[عيون الريم]

بسم الله الرحمن الرحيم


السلام عليكم ورحمة الله




كالعادة ,, كل يوم خميس ,, يوم تجمعي انا والبنات في البيت عندي بعد الجامعة ,,
تغدينا وقعدنا نسولف ,, كنا ندش في موضوع ونطلع من موضوع ,, بس في الموضوع
خذينا وعطينا في وايد ,, وحبيت أعرضه لكم عشان أقرا آرائكم ,, اليكم ملخص الحوار :-




شوشو\ ماقلتلكم؟؟ بنت خالتي ما بتسوي عرس.
سارونه\ ورا ,, ليش ما بتسوي ؟
شوشو\ قررت اهيه وخطيبها انهم يسوون حفلة عائلية في البيت,, وسيدا يسافرون..
ريموش\ مو حلو جذي.
ميمو\ بالعكس جذي احلى
شوشو\ حلو ان الوحدة بدل ما تسوي عرس تسافر.
سارونة\ ماينفع الاثنين ؟ حفلة عودة في فندق وسفرة محترمة
ريموش\والله اذا اللي بياخذج مريش سوي اللي تبينه.
ميمو\ اذا خيرني وقالي شتبين ,, سيدا باقوله سفرة.
ريموش\ ليش يعني اتبدين السفر عن الحفلة؟
ميمو\ يعني اسويلي حفلة في فندق ونخسر الالوفات ,, واخر شي على ناس ما يستاهلون ,, لا وبعد بيطلعون من العرس واهمه يعقرون.
ريموش\ يعني بذمتج في أحد هالايام ما يعقر,, حتى لو قاعدة في حجرتج بين اربع حيطان وكافية خيرج شرج بيتحجون عنج,, واذا انا باحسب حق الناس الف حساب وحساب ما راح استانس في حياتي,, والعرس ليله في العمر,, يعني مو كل يوم بتلبسين فستان ابيض وقاعدة على الكوشة وناس يرقصون في عرسج ,, وحجي الناس مايهمني في هالامور المهم اني استانس,, اما السفر ايي في اي وقت..
شوشو\ من قال ان السفر ايي في اي وقت,, باجر بيكون عندج درزن عيال ,, وين بتيرينهم معاج؟
كلنا\ هههههههههههههههههههههههههه.
سارونه\ اي والله وين بنيرهم معانا.
ميمو\ عشان جذي انا اقول السفر احسن من العرس بوايد ,, تكاليف العرس تسفرج اكثر من دولة
شوشو\ انزين بعد حلو ان الوحدة تسوي حفلة,, فعلا شي يحير :45:
سارونة\ سكتي سكتي ولي يعافيج ,, جنج بتعرسين باجر .
ريموش\ خلاصة الحجي اللي عندي ,, العرس ثم العرس ثم العرس بيكون ذكرى لي بالصور وبالفيديو بكل شي
ميمو\ الخلاصة عندي,, السفر ثم السفر ثم السفر.
سارونة\ انزين صكوا الموضوع ,, اللي يسمعكم يقول ان الريل ناطركم عند الباب
شوشو\ انا لي الحين محتارة :45:
كلنا\ ههههههههههههههههههههههههه.



من هالحوار حبيت أعرف آراء الصبايا والشباب
في موضوع حفلة العرس بدل السفر
او السفر بدل حفلة العرس

ايهما تفضل ؟ ولماذا ؟

[حنان الكون]

http://www.q8lots.net/up/q8lots/q8lots_fiumbqeHFJ.gif

وعليكم السلام

يعافيك ربي ريمووش بصرآحه
سؤال محير الحفله شيئ مهم وبعد
السفر مهم بس ممكن نقول ان الحلفه
اهم من السفرهـ يعني حلو تستانسين بليلة
عرسك مع كل اهلك وكل الحاضرين
يشاركونك فرحتك بهالليله
ومثل ماقلتي السفرهـ ممكن تجي بأي وقت
بس قبل لايجيون البزارين --> :26:

ممممم
انا ممكن بحاله وحدهـ افضل السفرهـ على الحفله
اذا بيوديني فينيسيا :9: وقتها خلاص ماابي حفله كبيرهـ
يكفي تكون حفله صغينونه يكون فيها اهلي وصديقاتي


مشكورهـ ريمووش وشكل كان نقاشكم
كان جامد :38:

http://www.q8lots.net/up/q8lots/q8lots_fiumbqeHFJ.gif

[زيزفون]

لو خيرني راح اختار السفرة

بس بشرط
تكون البلدة انا الي اختارها والمدة انا اللي احددها بالتشاور والاتفاق معاه....
طبعا ماراح اضحي بالعرس علشان اسافر مكان انا مااحبه او ماكنت سامعه عنه شي حلو يعني:45:

مابي اجرب شي و اغامر........
يعني هالكلام مو معناه ان مافي حفلة ابدا وياخذها من بيت ابوها سكيتي ...... اصلا ما يصلح ........بس بدل مايكون عرس كبير تكون حفلة عائلية


وصلى الله وبارك
وبالنهاية التوفيق بين الزوجين هو اهم من هالشكليات
بس بعد مهم انه يبين كرمه وما يكون بخيل
..smilie53

[@ بنت القمر @]

\

/

\


حيلووو الموضوع بالزاااف يا ريمووش :29 >> عيب :11


انا بالنسبة لي .. اذا أحووبه :2: .. وهو بعد يحووبني :2: .. ما فرقت عندي ..
بالعكس عندي الحفلة العائلية الصغيرونة احلى .. وأكثر حميمية .. :2: :2: ..
وووهـ بس :9:

بس عاد لازم يوديني لنـــدن :38: .. نتمشى في مدينة الضباب انا وياهـ :2: ...

بس هاااه .. حفلة صغيرة عائلية على قدنا .. موب معناته سكيتي :38: .. شدعوه والله لو اني مطلقه خخخ :26:


بث خلاث

... الحين عاد يجيكم ساحر برشلونة و محرقااوي برشلوني .. الاثنين اللي متقطعين ع العرس خخخخ :38: :38:


\\

[أسيرة الاحزان]

ميمو\ يعني اسويلي حفلة في فندق ونخسر الالوفات ,, واخر شي على ناس ما يستاهلون ,, لا وبعد بيطلعون من العرس واهمه يعقرون

قولي لها أسوورة تقول لك يسلم هالفم الي قال هالكلام :53:

من جد على أي شي يعلقون وينتقدون :6:

أرجع للموضوع .

بصـراحة أرضى بحفلة بس مو تكون مرررة بسيطة ومافيه غير أهلنا :56:

هذي ليلة العمـر ، وماتتكرر ع الرجال تتكرر بس ع البنت لو تزوجت مرة ثانية مو زي الاول :11

يعني حفلة شبه بسيطة ويكون فيها معازيم كثير ، واذا بيشمتون مع نفسهم :53:

بس السفرة أمر محتوم :4: مافي كلاام :13: الي بيتزوجني عليه سفرة يوديني فيها لأي مكان اختاره ، لو آيسلندا :25

وانا أقول بزارين بعد سنتين من الزواج أحسن شي :41: عشان مايروجح طعم الزوجين كأنهم عرسان جدد :2: :2:

وأحلى جلسة انتي والبنات والله ريموووش :12

:31:

.......

[محرقاوي برشلوني]

..

بسم الله الرحمن الرحيم..

او ل شي ريمووش موضووع وااايد حلو..

تسلمين..


..
وثاني شي..



... الحين عاد يجيكم ساحر برشلونة و محرقااوي برشلوني .. الاثنين اللي متقطعين ع العرس خخخخ

هههههههه

انا وصلت قموورة..

..


وثالث شي رايي..

انا اقوول انه حفلة العرس بتكوون اولى للبنت لأنه هذي ليلتها وبيكون اهلها وخوانها وخواتها وطوايفها كلهم مستانسين لها..السفر لاحقين عليه واذا واحد عليه..


لكن حفلة العرس الصرااحة احس انه البنت بتفضله على السفر..

وانا بعد افضل الحفلة على السفر..

انا عندي احلى شي لين في تجمعات عائلية او تجمعات الاهل والاصحااب ومستاانسين وفرحانين على شاني او على شان اني عرست..

احس انه الفرحة مو شايلتني اتحس والله بسعاادة مو طبيعية..لكن السفر لاحقين عليه ولاحقين انا ومرتي على السعادة والوناسة والطلعات والروحات والجيات..

وبعدين شفيهم العياال..تره العيال ونااسة..كله انتو عبالكم العيال عوار رااس ومشااكل..لكن بالعكس احسهم انهم اهمه الي بيحلوون الحياة..


مشكوورة ريمووش على الموضووع مرة ثانية..

ويعطيج العاافية..

والله يرزقكم بولد الحلال الي يهنيكم ويسعدكم..

والله يرزقني ببنت الحلال الي اتهنيني وتسعدني واسعدها..


تحياتي لج..

..

[زيزفون]

ريموش عذريني جيت مرة ثاينه

..


اسورة:

وانا أقول بزارين بعد سنتين من الزواج أحسن شي عشان مايروجح طعم الزوجين كأنهم عرسان جدد

هههاااااااااااي
اتحدددددددددددددى
اذا جلستي 6 او 7 شهور ما حملتي.. قال لك يللا : عالدكتور اكيد فيه شيء غلط :7:

................


قمورة:
الحين عاد يجيكم ساحر برشلونة و محرقااوي برشلوني .. الاثنين اللي متقطعين ع العرس خخخخ


هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههه

ـــــــــــــــــــــــــــــــــــــــ


حرووق:

السفر لاحقين عليه واذا واحد عليه..

لاحقين عليه

هذي الكلمة اللي البنات ما يحبونها..:6:

اذا اجلتوا السفرة.. يروووووح طعمها......
حلاة أول الايام تكون بعيدة عن نفس بلدتكم و بعيدة عن اي اهل واي اقااااارب و يكون مكان جديد..



:31: :31: ريموووووووووووش:31: :31: تحياااااااتي :31: :31:

[@ بنت القمر @]

\\

زيزفووون ..

أضحك الله سنك ياختي خخخ :26: :26:

اذا جلستي 6 او 7 شهور ما حملتي.. قال لك يللا : عالدكتور اكيد فيه شيء غلط


لا والله زيزوو الجيل الجديد من الشباب البزران اللي في العشرينات يعني عادي عندهم سنتين ثلاث بعدين يجيبون عيال :d


اذا اجلتوا السفرة.. يروووووح طعمها......
حلاة أول الايام تكون بعيدة عن نفس بلدتكم و بعيدة عن اي اهل واي اقااااارب و يكون مكان جديد


وحلااااااااااتها بــ لنـــــــدن :2: :2: :2: :2: :2: :2: :2: :2: :2: :22:


ريموووش :31:



\\

[عيون الريم]

هلا حنوش

اذا بيوديني فينيسيا وقتها خلاص ماابي حفله كبيرهـ
يكفي تكون حفله صغينونه يكون فيها اهلي وصديقاتي

هههههههههههههههههههه انتي ذبحتج فينيسيا
حنووش اشترطي عليه حفلة في الميريديان وسفرة لفانس
واكيد بيقول من اللي تفلطح واقترح هل الاقتراح عشان اذبحه

مشكورهـ ريمووش وشكل كان نقاشكم
كان جامد

اي والله حسينا انه خوش موضوع انتحجى فيه

مشكورة على مرورج العسل يا عسل

وعن محمد ماجد ما فهمت شقصده بالضبط

[عيون الريم]

هلا زيزوش

وصلى الله وبارك
وبالنهاية التوفيق بين الزوجين هو اهم من هالشكليات
بس بعد مهم انه يبين كرمه وما يكون بخيل

عليه أفضل الصلاة والسلام

نفس ماقلتي مهم ان يبين كرمه
بس بعد مهم ان يفرحج بسفرة او عرس
انا ما اعتبرها شكليات

[عيون الريم]

حيلووو الموضوع بالزاااف يا ريمووش >> عيب

مرورج الأحلى

بس عاد لازم يوديني لنـــدن .. نتمشى في مدينة الضباب انا وياهـ ...

والله ما يندرى اذا هالريل ما وداج لندن شبتسوين فينا

بس قمورة انا سمعت ان لندن مافيها مناطق سنعة وايد عشان تزورينها اللهم الحديقة المشهورة عندهم ومادري شنو

[عيون الريم]

قولي لها أسوورة تقول لك يسلم هالفم الي قال هالكلام

هههههههههههههههههههههههههه

وين ميمو تسمع جان اكشخت علينا الحين

وانا أقول بزارين بعد سنتين من الزواج أحسن شي عشان مايروجح طعم الزوجين كأنهم عرسان جدد

ههههههههههههههههههههههههههه
انا اتفق مع اللي قالته زيزوش لج

كل وحدة اتزوج تقول جذي ومنهم اختي وريلها
ققروا انهم يسون حفلة ,, عقب يروحون في الصيف جولة في شرق اسيا لانهم مابيقدرون يسافرون سيدا عقب العرس لظروف شغل ريلها واتفقوا انهم بيأجلون العيال
والحين حملت وما يصير تسافر >> حظها مأساة

مشكورة على مرورج يا الشيخة

[عيون الريم]

انا اقوول انه حفلة العرس بتكوون اولى للبنت لأنه هذي ليلتها وبيكون اهلها وخوانها وخواتها وطوايفها كلهم مستانسين لها..السفر لاحقين عليه واذا واحد عليه..

نفس ما بتكون ليلة البنت بعد بتكون ليلة الشاب لان بعد هذي ليلته وبيكون اهله واخوانه وخواته وطوايفه كلهم مستانسين له


انا عندي احلى شي لين في تجمعات عائلية او تجمعات الاهل والاصحااب ومستاانسين وفرحانين على شاني او على شان اني عرست..

احس انه الفرحة مو شايلتني اتحس والله بسعاادة مو طبيعية..لكن السفر لاحقين عليه ولاحقين انا ومرتي على السعادة والوناسة والطلعات والروحات والجيات..

وبعدين شفيهم العياال..تره العيال ونااسة..كله انتو عبالكم العيال عوار رااس ومشااكل..لكن بالعكس احسهم انهم اهمه الي بيحلوون الحياة..

نفس ما قلت حلاة العرس بيتيمع العايلة ,, حتى اذا كان في خلاف اتصافى النفوس في الافراح ,, كل من يستانسلك ويرقصلك ويغنيلك وايببلك

في احلى من هاللحظات

مشكور حروووق على المرور

[عبد الوهاب]

... الحين عاد يجيكم ساحر برشلونة و محرقااوي برشلوني .. الاثنين اللي متقطعين ع العرس خخخخ

:54: :54:

....

هههههههه ايون وش تقولون حفلة ولا سفرة
اولا يعطيكم العافية على هيك موضوع ..

وبالخصوص والله ايش اقولك يابنتي هههههه
انا بنظري اممممممممم

يعني خليني اقولك عن نفسي لما اروح عرس احد الشباب

بكل صراحه نصلي العشاء واروح بيت رجال واقوله يالله اليوم عرس خوينا هذا يبغالي ثوب وغترة :17:
<< ما يحب يكون رسمي على طول بنطلون وخرابيط شباب :29:

المهم اروح بيتنا اتروش والبس وكول حاقة وعطر ودنيا
ونروح تقريبا الساعه 10 ونص نوصل الصالة

نسلم على المعرس ونسولف ونهذر ونمل ونقول متى العشى بس خلونا نتعشى :10
طيب نتعشى ونخلص ونمشي والعالم كلهم يمشون .!
وكمان غير هذا نطلع نقول ياخي وش هالرز باارد ومش حلو
لهنبوكم انا دافع 30 الف عشان ااكلكم :32:
والمعرس هاته هاته يبغى يروح مع العروس .. يبغى يشوف شغله :10

حلوين الحين احنا .؟

طيب خلينا نرجع ورى شوي

قيمة الصالة يعني القاعة تقريبا في بـ 6 وفي بـ 12 وفي بـ 21 وفي بـ 75 .. طبعا الكل الف والأنتر كونتنتال هو اللي بـ 75
طيب شوفي وش بياخذ نقول اخذ ام 12 الف

اممممممم نروح للذبايح مدري كم بتاخذ الذبايح :61:
اتوقع 30 يمكت او اكثر مع الببسي والحلا والخرابيط وكل شي يمكن يوصل 45

طبعا الحلا والحركات كلها عند النسوان اما الرجال " خرفااااااااااااااااااااااان " ياكلون الرز ويمشون
كأن النسوان هم اللي يعرفون الأتيكيت بس هههههههههههههههههه
والرجال مساكين مالهم شي

والله ان نسوانا بالعروس يظلمون الرجال :12:
لا ولا تكلمت وقلت قالوا اييه احنا بنعطيك بنتنا :35:

المهم ايش كمان بعد لا تنسين ان بعض العرسان ياخذون كووش فيه بـ 5 الاف
لكن اعرف واحد يقولي ان وحده ماخذتها بـ 21 الف مدري بـ 12 الف

بالله عليكم يا بناااااااااااااااااااااات ياللي تبغون حفلة الفلوس هاذي اللي عديتها مو رايحه بأشياء خربوطيه .؟؟؟؟

لكن البنات مدري شلون يفكرون
عشان بكرا لما يروح يوم ولا يومين تتصل على صديقتها هيفاء .. الو هيووف شرايك بعرسي احسن من عرس فطووم :|
ومييين الخروف اللي خسر " انا الرجال " خهههههههههههه

وترى هذا الواقع

طبعا لو بنحسب المصاريف كلها راح يمكن تطلع 70 او اكثر او اقل على حسب الجيب ههههههه

طبعا تلقينه متدييييين وحط على ظهره دين عشان هالعرس وهو مو محتاج

طبعا انا والله ما اتكلم كذا واقول مو مسوي بخل فيني .. والله اذا الله فتح علي
وصارت عندي فلوس لا بالله بسوي عرس وبسافر
لكن اذا انا ماعندي لييه اتفشخر ولييه يا حرمه تخليني اتدين عشان العرس

لكن تخيلوا يابنات << لأن البنات ساس البلاء :58:

الـ 70 الف اللي بنصرفها ويمكن اكثر

تخيلي اننا سافرنا بها برا ههههههههههههه
وربي يلعن ابو الفله بنعيش ملووك لمدة شهر واكثر
وتروح فلوسنا علينا انا وانتي ماهيب حسوفه

لكن ادفع 70 الف او اكثر
على ناس اقربهم بيتعشى ويمشي
والنسوان بياكلون الحلا اكللللللللللللل وبيطلعون يذمون يقولون الرز بارد ولا مش حلو
لييييييييييييييييييييييه .؟؟؟

فالواقع والصح اني اسافر احسن لي من حفلة تكاليف على الفاضي

لكن والله والله ان النسوان اساس البلا ولا علي من اي وحده بالمنتدى :46:
هههههههههههههههههه

لأن من جد هذا الشي يخلي الشباب يعزفون عن الزواج
لكن لو كل من تزوج اخذها وسافر انا اقول الزواج ماراح يكلف الـ 50 الف ويمكن زيادة شوي نقول خليها 70

30 مهر للبنت << الحمد لله الحساويات مش متشرطات
مثل بنات غيرنا يبغون مهر 100 ولا 80 نبمك لييه ادفع 100 :|
من وين اخلق انا هههههههههههههههه

لكن نقول المهر 30 وان نفخة عمرها قالت ابي 35 :35:
تبقى 35 نقول بنسوي حفلة صغيره
عشان مايقولون اخذها من بيت اهلها مثل ماقالوا البنات هنا
ولو ان المفروض عادي لكن عشانكم بنسوي حفلة يمكن تكلف اممم10 او اقل
بيبقى 25 هاذي ياطويلة العمر يمكن يقصرها شوي نقول نزيد عليها عشرة ولا عشرين مدري بتجي اكييد
عيال الحلال واجد وجمعية تيسر الزواج موجودة :35:
يمكن نصفى على 45 الف

لكن لا تنسين لو ان الزوج بياخذ شقه هاذي بتكلفه لكن نقول انه مخلص اموره هههههه

45 الف نسافر فيها
الحمد لله لك يارب بنروح برشلونه في اسبانيا
ونستانس وناكل زبد وبريد وعصير برتقال على البلكونه في اول يوم لنا بفندق ببرشلونه
ههههههههههههههههههههههههههه

وش تبغين احلى من كذا هههههههههه

طبعا كل اللي قلته ماراح يفيد لو فعلا بنت الأجواد ماكانت تبغى
لأنها بتحس بنقص لو ماسوت عرس وهذا الواقع

لكن لو هي اهم شي عندها اني انا اخذتها لا بالله بتسعد ان شاء الله

طبعا هذا تصوري انا للزواج ههههههه
ادري اني كتبت مقال وموضوع لحاله لكن يالله نبغى نفهم البنات ان وراكم خرابيط مالها داعي

لكن ان شاء الله الله يفتح علي واسوي كل اللي تبغاه البنت اللي باخذها
لكن اذا مالله وسع علي كثير ترضى بالنصيب ولا لا تجي معي :61:

وترى الى الأن ماقلت هاته يازواج
لا قلت ان شاء الله خير
ههههههههههههه

دعواتكم لي

وكان الله غفورا رحيما :35:

[زيزفون]

0 مهر للبنت << الحمد لله الحساويات مش متشرطات


لكن نقول المهر 30 وان نفخة عمرها قالت ابي 35


الحساويات مهرهم 30 بس؟؟
لا تعمم لو سمحت :18:

شدعوة؟؟ مطلقة ولا ارملة؟ ولا عمرها فوق ال 40 ؟؟



اممممممم
خليني اكون معاك ان المفروض مانضيق عالشباب ونراعي ظروفهم و نقلل قيمة المهور
لكن

تدري وحده اعرفها توها تقوللي تبي تجهز .. وتقول مابي اصرف فلوس واجد بس بشتري طقم وااااااااحد ذهب

بعد عروس لازم تلبس ذهب:7:
تقول مالقيت حتى طقم ب 10 الاف
كلهم 13 او 14 وفووووووووق حتى النوع الناعم مو الفخم..

طيب لو جاو الناس يزورونها يباركون لها مدة اسبوع مثلا
هل راح تلبس يوميا نفس الطقم؟؟؟؟؟؟؟؟؟ اكيد لأ؟؟

السوق الحين كل شيء غالي.. ومهر البنت مايقعد لها خاصة لو جا احد من اخوانها او خواتها وتسلف منها باعتبار انها عندها مـــــــــــــــــهر ..وحاطين عينهم عليه..:8:

طيب لو البنت مهرها 30 او 35 ايش بيسوي لها؟؟

والله يخلص في يوم و ليله يمكن


.......
سوري ريموش عالمرور مرة ثالثة........... محد قاللك حطي موضوعك بالقضايا الساخنه هههههههههه

سي يو
سلام.....:31:

[عبد الوهاب]

اهلا زيزفون ..
ما ابغى اعمم يسلم راسك

انا مدري كم مهرك ^_^
لكن على العموم الحمد لله اغلب الحساويات
او لو بقول اللي انا اعرفهم مهورهم 30 او 35
طبعا اقصد محيطي وبيئتي ولله الحمد

يمكن انتوا ناس غير
انا مدري ..

لكن اذا انتي تشوفينها عيب ان المهر يكون قليل او مش عيب نقول ما يعجبكم
وهذا اللي فهمتها من كلامك مطلقة ولا ارملة ولا فوق الـ 40

احب اذكرك بقول المصطفى " اقلهن مهرا اكثرهن بركة "
والله يقلل مهورا بناتنا عشان الله يزيدهم بركة يا بنتي ..
وما اظن الـ 35 فقط للمطلقة واعتقد انك بخستي حقهن

لكن الناس قلبة الفطرة وقلبت كل شي مو بس الفطرة

....

وبخصوص الذهب ما عتقد الشباب يتحملون الغلا اللي صاير للذهب .!
يعني احنا بندفع مهر ماهوب دافعين لكم قيمة الذهب .!!!

وعلى تلبس نفس الطقم للي بيجونها خلال اسبوع
والله هالشكليات انا ما احبها ولا اقدر افرضها على احد
لكن اعتقد انها شكليات فقط ..

لكن النسوان مخلينها شرط وواجب

....

وشكرا على النقاش واعتقد مافيها اي مشكلة لو رجعتي الف مرة
القسم والموضوع للنقاش .. فكل واحد يناقش على كيفه *_*

سعيد بتواجدك ..

[زيزفون]

بما ان مافيها مشكلة لو رجعت الف مرة >>>>>> دعله ههههههه

لا طبعا انا عارفه ان اقلهن مهرا اكثرهن بركة
وانا ما أأيد ان المهر يكون كبير مرة خاصة لو الشاب ماعنده وعلى قد حاااااله
بس كان قصدي ان 30 مااحسها تسوي شيء وتخلص بسرعه
يعني انت ماد يدك مادها..
مدها وابسطها smilie53
....
يمكن انتوا ناس غير
انا مدري ..

لا عادي
احنا بشر زيــكم
لووووووووووول

بس يعني اضرب 30 في 2 :29

[عيون الريم]

حيا الله ساحر

بكل صراحه نصلي العشاء واروح بيت رجال واقوله يالله اليوم عرس خوينا هذا يبغالي ثوب وغترة

هههههههههههههههههههه
ذكرتني بأخوي
لين نشوفه كاشخ بالثوب والغترة ,,وينادي يا بنية وين البخور ,, نقوله يؤ يؤ يؤ وين بروح الكاشخ ,, يقول باروح عرس واحد ثور ( وانتو بكرامة ) من ربعي ,, مادري شحاده على الزواج

اتوقع 30 يمكت او اكثر مع الببسي والحلا والخرابيط وكل شي يمكن يوصل 45

ها
الذبايح عندكم بثلاثين الف او خمس واربعين غريبة

طبعا الحلا والحركات كلها عند النسوان اما الرجال " خرفااااااااااااااااااااااان " ياكلون الرز ويمشون
كأن النسوان هم اللي يعرفون الأتيكيت بس هههههههههههههههههه
والرجال مساكين مالهم شي

هههههههههههههههههههه

لان الرياييل بصراحة ما يملي بطونهم الا العيش واللحم
اما النسوان ياعيني عليهم

عشان بكرا لما يروح يوم ولا يومين تتصل على صديقتها هيفاء .. الو هيووف شرايك بعرسي احسن من عرس فطووم

ههههههههههههههههههههه

اكيد لازم اسأل عن عرسي شلون كان

لكن اذا انا ماعندي لييه اتفشخر ولييه يا حرمه تخليني اتدين عشان العرس

معاك حق في هالنقطة

الـ 70 الف اللي بنصرفها ويمكن اكثر

تخيلي اننا سافرنا بها برا ههههههههههههه
وربي يلعن ابو الفله بنعيش ملووك لمدة شهر واكثر
وتروح فلوسنا علينا انا وانتي ماهيب حسوفه


ان شاء الله اذا توفرت عندك السبع ألاف دينار بدل تكاليف العرس
والله والله ياساحر >>> اقسم
هذا ويهي ان صرفت السبعة آلاف في سفرتك مع مرتك
بتصرف نصهم في السفرة
حتى الشهر والنص اللي تقول عنهم ما بتكملهم
حدك اسبوعين او ثلاث وتقول يلا نرجع الديرة وراي شغل >> عاد انت ما وراك الشغل الا تبي توفر

30 مهر للبنت << الحمد لله الحساويات مش متشرطات

الثلاثين الف عندكم تضم المهر والشبكة ولا كل واحد بروحه ؟؟؟


اسعدت بتواجدك

[عبد الوهاب]

لا طبعا انا عارفه ان اقلهن مهرا اكثرهن بركة
وانا ما أأيد ان المهر يكون كبير مرة خاصة لو الشاب ماعنده وعلى قد حاااااله
بس كان قصدي ان 30 مااحسها تسوي شيء وتخلص بسرعه
يعني انت ماد يدك مادها..
مدها وابسطها

هههههه الله يهديك يازيزفون .. دامك تعرفين ان اقلهن مهورا اكثرهن بركه .. خففي على الشباب شوي ههههه
وانا ما اختلف معك دامني مادها مادها لكن ماهوب عيب
انتي حسستيني ان 30 كأنها عيب بقولك ان بعطيها ارملة ولا مطلقة .!
وبصراحه هالشي ولو انه نقاش لكن احسه استناقص في حق طبقة معينة من الناس

لكن انا اقول خلي فيك البركة وقللي مهرك ههههه

واييه انا عارف ان كلنا بشر لكن مهركم غيير ههه

وعلى فكرة لو تقدملك احد وقال ماعندي ادفع مهر الا 30 .. هل راح ترفضين .؟
وكان الرجال طيب الذكر والحمد لله مابع عيب ..

[عبد الوهاب]

هلا ريمووش المدريديه ..

اييه اضحكي ياعمة من قدك مو الرجال بيصرف عليكم في كلا الحالتين هههههههه

وبعدين من قالك ان ما يملاء بطون الا العيش واللحم ههههه
ياختي لا تظلمينا حرام عليكم

انا واحد حطي جنبي ذبيحة وصحن بغلاوة
راح اترك الذبيه واطيح بصحن البغلاوة ههههههه

وايضا حاجة ثانيه
والله ثم والله لو توفرت الـ 7 الاف دينا اللي قلتي عنها
ورحت شهر العسل مدري البصل راح اصرف ابو ابوها هناك
وبرجع وانا مفلس عشان يبرد قلب المدام بس

لا وراح اقص لكم هنا وش صار معي بسفرتي ان شاء الله
الا اذا المدام لها رأي ثاني وقالت لا اشوفك جالس مع بنات منتداك << ما اقدر ارد لها طلب " خروف " ههههههه
لالا بخليها تجي تطق حنك معكم هنا بس الله الله فيها هههههههه

..

وعلى سؤالك والله مدري لكن اعتقد ان المهر لحاله والشبكة لحالها اكييد
لأن ياختي مثل منتي عارفه انا لسه مابعد اتزوج ههههههههه

بس اكييد كل وحده لحالها

وانا اكثر سعادة بهذا الموضوع ^_*

[زيزفون]

ساحر:

.......
وبصراحه هالشي ولو انه نقاش لكن احسه استناقص في حق طبقة معينة من الناس

!
والله ماكان قصدي ولا جا على بالي كذا :7:
بس كل وحده عارفة احتياجاتها وكم يكفيها وكم مايكفيها
واعتذر يعني لاي احساس سببته في حق اي حد بالنقص :8:
!
.......
لكن انا اقول خلي فيك البركة وقللي مهرك ههههه

ان شاء الله طال عمرك هههههه :57:

..
وعلى فكرة لو تقدملك احد وقال ماعندي ادفع مهر الا 30 .. هل راح ترفضين .؟
وكان الرجال طيب الذكر والحمد لله مابع عيب

امممم خلني افكر شوي
يعني 30 الف شاملة المهر وكل ابوووو شيء؟؟
لا طبعا اكيد ما اوافق

لكن اذا المهر بلحاله 30 وفي شي ثاني بيسويه..
مثلا سفرة
او
عرس
او
اي شي ثاني يدعم ال 30 هذي

وبشرررررررط يكون رجــّــال من جــــد .. وشاريني .. ويستاهل ان الوحده تاخذه حتى لو بريال بس.. مو ب 30 ..ايه اوافق... يعني يعتمد على اخلاقه واصله وفصله واهله ودراسته وكل حاااقه

يعني مثل ماقلت لك شي معنوي يعوض الشيء المادي
.....

و بث

يثلمو عالرد ..... :31: