الغناء والمظاهر وسيلة اصبح من السهل تحقيقها ,, ولكن ماهو المقابل؟؟

[عيون الريم]

بسم الله الرحمن الرحيم


السلام عليكم ورحمة الله وبركاته


سيارة غالية

فيلا ضخمة

زواج

سفر

الجميع بأمكانه تحقيق ما ذكر,,
منهم الاغنياء والعاديين والفقراء

قد تكونوا متعجبين انه كيف بامكان الفقراء والميسوري الحال
من تحقيق احلامهم كالسيارة والفيلا والسفر ؟؟


انا اعني ما اقوله ,, فبالديون والقروض
يستطيع اي شخص من تحقيق تلك الكماليات


ولكن المشكلة تكمن في تسديد تلك القروض

لكم مثال :-
شخص راتبه 500 دينار شهريا ,, لديه عائله مكونة من زوجة واربعة ابناء ,, اثنين منهم في المرحلة الجامعية ,,
محتاجين سيارات فخمة مثل اصدقاءهم عشان يروح فيها الجامعة ,, والاب حب يأمن لهم طلبهم وخذ قرض لمدة 7 سنوات ..
وحب رب الاسرة وزوجته ان يأمنون فيلا ضخمة عشان يفتكون من الايجارات الشهرية ويكون مظهر جدام الناس فخذ قرض لمدة عشرين سنة..
هالقروض ماخذه ثلاثة ارباع معاش هالاب وعايش على فتات معاشه ,,

كان بامكان رب هالاسرة بتأمين سيارة عادية لابنائه ,, وكان بامكانه انه يتم على الايجار او يشتريله بيت صغير او شقة بدل الفيلا الضخمة عشان يوفر لابنائه حياة كريمة بدل هالمظاهر اللي ما تودي ولا تييب

في اكثر من عائلة خليجية وعربية عايشة نفس رب الاسرة الموجود في المثال

الحين ابي ارائكم في هالموضوع


تحياتي

[_كاكا العراق_]

والله صعب ... ما استطيع ان اعطي رايي .......



وشكراً لكي عيون الريم ........

[حنان الكون]

------------------- ***

هالظاهرهـ صارت منتشرهـ وبكل مكان
يجيك الشخص سيارهـ وفيلا وفشخرهـ ومظاهر
ويوم تشوفين حياته بالواقع كلها قروض وديون
بس عشان منظرهـ قدآم النآس:56: ..

مدري شلون تفكيرهم هالناس يعني معقوله شكلي
اهم من راحتي وراحة اسرتي ..!
ويروح عمرهـ وهو يدفع اقساط السياراة والفيلا وخصوصاً
ان كان راتبه ضعيف المشكله ماهوب بس هو اللي بيتضرر
كل اسرته راح تتضرر بسبب هالقروض وبيصير وضعهم
المعيشي صعب:45:

المفروض الانسان يراعي ظروفه ومايحمل نفسه اكبر
من طاقته بهالديون والقروض على قولتهم رجلك على قد
لحافك مدري العكس :19:

تسلمين ريمووش وحشتنا هالطله :31:

http://www.q8lots.net/up/q8lots/q8lots_qyyerPs3b.gif

[محرقاوي برشلوني]

..

اممممممممم

في واايد ناس جذي ياريمووش..


صارت المظااهر همهم..

والجيب مافي ال نص دينار حتى حق بتروول ماعنده..


يروح ويدين وياخذ قروض وعقب يصيح..

صج الحياة صعبة..

بس في ناس يحبون المظاهر..

يعني انا عندي واحد من الربع بيتهم ماعطينة سيارة فان شوي قديمة..

اقول ما ابي امشيها تفشل..

مادري يبي بيتهم ابوقون عشان يشترون له سيارة مادري شيبي يسون له بالضبط..

اوادم ماعندها ولا سيارة واوادم عندها وتزمر..


..

مشكوورة ريمووش على الموضووع..

تحياتي لج..
..

[زيزفون]

والله انا اشوف ان السكن او السيارة او اللبس المفروض يكون نظيف، مرتب، راقي وذوق ونوعية جيدة
من دون النظر له ان كان فخم او غاالي
بس اهم شي اعيش بمستوى مااحس معاه بنقص او اني اقل من غيري

لكن اني اكون تافهة جدا لدرجة اني اضغط على نفسي او اهلي او زوجي بس عشان النااااااااس ؟


لأ طبعا... ما احب ( الرزّه والبطن فااااضي ) :57:
....

[عيون الريم]

كاكا زجزدك اسعدني

كان ودي اشوف رايك

_________________________

المفروض الانسان يراعي ظروفه ومايحمل نفسه اكبر
من طاقته بهالديون والقروض على قولتهم رجلك على قد
لحافك مدري العكس

المثل هذي هالايام ما يمشي معانا

مشكورة حبيبتي على مرورج

وان شاء الله ما نغيب مرة ثانية

[عيون الريم]

هلا حروووق

اما هذا رفيجك عجب
شلون ما يبي يمشي سيارة شوي قديمة
اذا اهو الصبي جذي عيل ما نلوم البنات

حتى اعرف وحدة من ربعي تدرس في جامعة البحرين
سجلت اربع مواد وقالتلي كان بخاطري اسجل الخامسة ,, ولين سألتها ليش ما سجلتي الخامسة الا تقولي لا ماقدر ,, ماعندنا بيزات تكفي
عقبها بمدة شفت عندها تلفون يديد وشنطة حلوة ,, قلتلها مبروك التلفون اليديد ,, وقلتلها شنطتج اتينن من وين شاريتها وبجم ؟؟ قالتلي شاريتها من المحل الفلاني بتسعين دينار ,, عاد انا هني استغربت وماقدرت ايود روحي ,, قلتلها الله اهداج الحين شارية شنطة بتسعين دينار ,, وتلفون يديد مع ان تلفونج ذاك مب قديم ,, ولين يتي اتسجلين خمس مواد ماقدرتي قمتي سجلتي اربع بس والسبب ان بيتكم او انتي وماقدرتوا ادفعون 24 دينار حق المادة الخامسة ,, الا تقولي شاسوي عجبتني الشنطة وشكلها حلو ماقدرت اهدها حتى التلفون غيرته لان مو حلو شكلي اروح الجامعة بهالتلفون كل من صار عند اياه

والله احسهم ناس مرضى مادري شلون عايشين

مشكور حرووق على مرورك

[عيون الريم]

هالايام زيزو وايد اوادم يحبون الرزة حتى لو كان على حساب بطنهم

مشكور على مرورج العطر يل الغالية

[عبد الوهاب]

احم احم
اتفق مع زيزفون
(( رزة والبطن فاضي ))

ولا في مثل شعبي ثاني بس عيب نقوله *_*

...

على العموم كثير وكثير من الناس كذا
يعني طبعا هذا وبكل صراحه يعتمد على شخصية رب الأسرة

يعني بتجيبين لي واحد مفهي وماهمه ايش يصير بعدين
راح يسوي كل اللي قلتي عليه انتي
سياره اخر موديل للعيال فيلا دوبلكس
وكل شي اخر كلام

والله في ناس غاااااااااااااااااااااااااااااااارقة بالسلافيات والكمبيالات وكل شي
ووالله عايش ولا هو داري ايش بيصير له لكن بالنهاية بيوصل مرحلة من الهم والغم
وراح يعرف انه غلط وسوا وفعل لكن بعد ايش ياحظي

ووالله الناس هاذي وبكل صراحه تشوفين زوجته هي السبب
يعني مو عارف كيف يرضيها وهو ماعنده شخصية
من تقول المدام يا فلان قال لبيييه .!
ياخي قول انا ما اقدر شنو بتقوم القيامه
هي مالها الا انت يعني لو قلت مقدر وين بتروح بتسكر السالفه وانتهينا

والله اعرف ناس كذا ياخذون قروض ودنيا يافلان من وين طلع كل هذا .. قال اخذت قرض .!
طيب انت ماخلصت الأولي .. والله وش اسوي المدام تبغى .. ياعمي طييييير انت مع المدام حقتك

وفي ناس والله مو محتاجه القروض راتبها 10 الاف يعني 1000 دينار واكثر واكثر
ومع هذا ياخذون القروض ويلعبون لعب ويروح الراتب على القروض
وبداية الشهر وين الراتب قال والله البنك سحب ابوه .!

وناس يطلع لهم تقاعد بذيك الحاية يمكن مليون ولا اكثر
ويلعب لعب اليهود فيها .. لاهو اللي شرا بيت لاهو اللي رتب عياله ولاشي
وين الفلوس يا بوعماد .؟ والله المدام تبغى تسافر .!!!!
ياعمي خلها تسافر اول شي ضمن حالك وسافر

لكن في ناس الحمد لله عايشه
سياره للعيال مستعمله موديل 86 ولا 83 ولا 90 ايا كان
وعايشين ويروحون مع عيال اكابر وبجامعات
لكن الفكر اللي براسهم عارفينه
ابوي على قد حاله ماعندنا
فما يحتاج نتفشخر

فهذول عايشين عيشه هنيييه
واللي فوقهم عايشين بهم الديون

لكن الحمد لله على كل حال

وبس

يعطيك العافيه

[رائـــــد]

ههههههههههههه

ريمووووووووووش اضحكتيني عندما وجدت هذا الموضوع وفعلا موضوع رائع ومهم جدا ويفيد يعطيك العافية على الموضوع الابداااااع

واني أيضا مع زيزفون وساحر معها حق واضيف كلمات يلي ايضا يحصل بهذا الوقت الله يعينك ريمووووش رح تردي على الجميع بدك وقت ههههه

تصوري اضافة حتى في تلفزيون شو يظهر مثال على ذلك وطبعا اتكلم يلي اراه امام عيني

ظهر اعلان في تلفزيون مكان البسه يعتبرونه شغله لازم يروحون الى هذا المكان ويتفاخرون بأنهم اشترو من هذا المكان

وكما ذكرتي انت سيارات والبيوت والمحلات وحتى ديكورات ينظرون الى بعدهم البعد وطبعا الدين يتزايد لانه منهم يشترون في طاقتهم

وحتى الكذب شغال بشكل غريب مثال يشترون لبس بقدر ألف ريال واذا أحد سألهم يقولون اشتريته بألفين ريال والى ماهنالك

وحتى الموبايل الفقير مافي معه يشتري موبايل بدين أو بتقسيت او يبيع قطعه من عنده وحتى سيارة منهم من باع بيته على شان يشتري

سيارة ويستأجر بيت غيره أجار امهم يحصل على سيارة لاحول ولاقوة الا بالله

وبرأي ايضا هو نحمد اله على نعمة الاسلام وعلى صحة والعافية وعلى السترة ويعيش على حسب حاله ولايجور على نفسه فوق الطاقة

واشكرك خيتو رمووووووووووش على الموضوع الرائع

[R A U L]

.:[ بسم الله الرحمن الرحيم ]:.



هلا بالغاليه ريم ..

صراحه موضوعج رائعه جداً .. في ناس والله يا ريم بالكويت عندنا .. بيوتهم قصور .. و قروض و سلف و دين ! و اهو حتى ما عنده الي يكفيه آخر الشهر

انا عن نفسي .. أحب اسكن في بيت عادي .. يكون كل شي متوفر عندي .. أحسن من إني اخذ قرض يكسر ضهري طول العمر , ولا الي ياخذون

70 الف قرض @.@ ×_× . المشكله تطير على أشياء تافهة .. حضرتها الهانم تبيلها شقه بمادري وين ×_× !!

يمكن البعض يقول لانه بخيل .. يعني يا تكون بخيل أو تكون مسرف و تقط نفسك بمتاهات .. يا هلا بالبساطه مدام أنها بتعيشني حياة حلوه !!

ولا الي لا جت العطله .. مسوي فيها ولد شيوخ @.@ !!! ياخذ زوجته جنيف و يصيف العطله كلها ×_____× ,, لما يرد حتى أغراض المدرسه

لـعياله ما يلقى ~ .. و على قوله صبوحه الساحره .. [ يا عيني ع البساطه XD ] ,

تسلمين ريم ..

السموحه :) ~

[عيون الريم]

ياخي قول انا ما اقدر شنو بتقوم القيامه
هي مالها الا انت يعني لو قلت مقدر وين بتروح بتسكر السالفه وانتهينا

يا مسهلك يا نعم ,, يا مصعبك يا لا

العلة ياخوي يا ساحر في الناس
اللي ما يرضون يعيشون على قد ما الله رزقهم
دايما عيونهم لي فوق على حساب بطنوهم

مشكور على تواجدك

[عيون الريم]

وحشتنا هالطلة بابا رائد

وحتى الكذب شغال بشكل غريب مثال يشترون لبس بقدر ألف ريال واذا أحد سألهم يقولون اشتريته بألفين ريال والى ماهنالك

هههههههههههههههههههه

هذي بعد مشكلة ثانية رائد
مايدرون ان الاوادم تعرف الاسعار

مشكور على تواجدك

[عيون الريم]

في ناس والله يا ريم بالكويت عندنا .. بيوتهم قصور .. و قروض و سلف و دين ! و اهو حتى ما عنده الي يكفيه آخر الشهر

ممممممممم
سمعت عن الناس اللي اتحجى عنهم راؤول اللي في الكويت
حتى مرة دشينا في نقاس البيوت والديكورات ,,
قلت حق البنات ما شاء الله بيوت الكويتيين اللي في المسلسلات ديكوراتها روعة
الظاهر انهم عايشين حياة هاي ,, اللي وحدة ردت علي :-
حبيبتي ذيلن نصهم عايشين بديون وقروض ,, والله اعلم

مو مهم شلون احنا عايشين
المهم ان احنا نحط راسنا على المخدة كل يوم
وما يكون علينا ديون

مشكور راؤول على طلتك الحلوة