هل فعلا بنت السعودية حلاها غير ؟!!

[لولي]

أنا لست هنا بصدد عقد مقارنات بين بنت السعودية وغيرها من البنات ولكنها خاطرة وإن شئتم سموها مشاغبة طرأت علي وأن أدير موجات الراديو على mbc FM وأغنية بنت السعودية حلاها غير تصدح في المكان والحقيقة لا أعرف من هو الفنان الذي يشدو بها لكن أعتقد أيضا بأن الفنان الشاب عباس إبراهيم قد غنّى في نفس الموضوع والأبيات كانت تتغزل بحياء البنت السعودية وحجابها وما إلى ذلك......طبعا شيء جميل أن يتحدث الشاعر أي شاعر عن جوانب إيجابية في المجتمع الذي يعيش به لكن قد يتصور المستمع وهو يلحظ تلك الأبيات التي تمجد في البنت السعودية بأن جميع بنات السعودية ملاك يمشي على الأرض وأن السعودية مدينة أفلاطون ! وهذه نتيجة طبيعية لما يسمعه لكن أعتقد بأن هذا المستمع سيصعق إذا قُـدّر له زيارتنا في (المملكة) ليرى بأم عينيه حجم التضليل الإعلامي الذي عاش تحت تأثيره إزاء بنت السعودية !! الذي أريد الوصول إليه بأن كل مجتمع على وجه الأرض يوجد به نماذج يعتز بها أي شخص ونماذج أخرى تمثل الوجه المظلم هذا على مستوى مختلف شرائح المجتمع ولكن لأن حديثنا عن البنات فالكلام نفسه يقال...لدينا بنات في السعودية تطهّر الأرض التي تمشي عليها ولدينا أيضا بنات سيئات ولن أسترسل في وصفهن سوى بالسيئات....نفس الكلام يمكن استنساخه على بلدان الخليج وأضرب مثال بأقرب البلدان إلى قلبي الكويت فكثير من أصدقائي في دولة الكويت يشعرون بالإمتعاض الشديد تجاه بعض الأعمال الدرامية التي تصور البنت الكويتية بصورة سيئة انطلاقا من حالات موجودة في المجتمع الكويتي يعني البويات والصبيك أعتقد حتى عندنا في السعودية موجودين لكن لماذا التركيز على الكويت وتصوير نماذج سيئة للفتيات على أنهن أغلبية ... والله ياجماعة خلال زيارتي الأخيرة للكويت قبل شهر اكتشفت بأن أكثر المظلومين من بعض المسلسلات الكويتية هو المجتمع الكويتي المسلم العربي الأصيل اللي أقدر اسميه ( المقر الدائم للنخوة والكرم والشهامة ) خصوصا البنات يعني وأنا راكب السيارة في شارع الخليج تشوف نماذج مشرفة للبنات وهن يقدن السيارة بكل ذوق _ صحيح واحدة منهم أوشكت أنها تخليني أصعد الرصيف لكنها معذورة لأنني اكتشفت بعدين بأن أحدهم الله يهداه هو ورفيجه يلاحقونها _ ة والخلاصة بأن جميع المجتمعات بلا جدال فيها الصالح والطالح كما هو معروف للجميع ....


مقال لم يعجبني كثيرا مايحمل من راي لان به هجوم على المراة السعودية..ولكنه يحمل بعض من الواقعية والحقيقة..
احببت مناقشتكم..فيه..والاستماع لارائكم..

[@ بنت القمر @]

\


كل مجتمع على وجه الأرض يوجد به نماذج يعتز بها أي شخص ونماذج أخرى تمثل الوجه المظلم

:12 :12

بس خلاص .. أنا أشوف زبدة المقال هذه الجمله وبس ..
أكره شي عندي التعمييييييييم .. أكره أكره شي .. لما اتكلم مع شخص ويتكلم بالتعميم .. يعني يقول كل اهل هالمكان كذا .. كل بنات الفلان كذا .. كل شباب ذيك الديرة كذا ..

التعميم شي غلط .. :23 في بكل مكاااان الشين والزين .. الغلط والصح .. الصالح والطالح .. والتعميم مررة مررة ينرفز ويرفع الضغط ..

لا كل بنات السعودية ملاك .. ولا كلهم شياطين .. ونفس الكلام بالضبط بالضبط ينطبق على مصر والكويت واستراليا والصين واليابان وفنزويلا وفيتنام واندونيسيا وكل مكان يخطر على بالك في هالكوكب :12

لووولي فقدناك والله :11




\

[لولي]

هدي قمورة :)
ماتفقدين غالي
وانا معاك اكره التعميم بكل وجوه
بس مايعني الامر اني مااقدر
اتغنى ببنات ديرتي
واقول ان حلاهم غير
وتسلمين لي
على المرور

[MajDoLiNe]

خصوصية المجتمع السعودي !

ههههههههههههههههههههه

مدري ليه هالعبارة اذا تذكرتها اضحك ؟!
صارت تنقال في وقتها وفي غير وقتها !


والله يا لولي الناس اللي مايعرفونا يتكلمون و بس:27
مايدرون عن شي!

كل مجتمع له سيئاته وعيوبه ومشاااكله وفضايحه و بلاويه
بس الفرق يمكن ان عندنا كل شيء بالخفاء!
تطبيقا لمقولة: اذا بليتم فاستتروا !!!!!!!!!!!!!!!!!!!! :10

وبنفس الوقت له مزاياه وحسناته .. :20


الكويتية هو المجتمع الكويتي المسلم العربي الأصيل اللي أقدر اسميه ( المقر الدائم للنخوة والكرم والشهامة ) خصوصا البنات

على راااااااسي الكويت :28 والشعب الكويتي بس بصراحة كاتب المقال.. شكله يحب يعمم......... واااااجد!



ثانكس لولي smilie53

[محرقاوي برشلوني]

..

صح انا مع زيزفوون..

احنة عندنا كل شي مفضووح وانتو عندكم كل شي بالسر..

بس بعد في كل مجتمع فيه الزين وفيه الشين..

..

بس الكل اقوول انه بنات السعوودية اجمل بنات الخليج..

..

مشكوور لوولي على المقال..



تحيااتي لكم..

..

[عــازف حــروف]

هلا والله

احم احم احم

..بس الكل اقوول انه بنات السعوودية اجمل بنات الخليج..

لا لا لا

ما اضن

عندك اهل القطر شوف حلا العيون:$ .. واهل الامارات ابس اسمع

كلامهم :$ .. فرنسي حق ذيج الحاره:24 .. بعد اهل السعوديه :11

سبحان الله :1 كلهم رشيقات :$ تعال شوف لما تتكلم .بصوت خفيف ..اتقول مسويه روجيم بصوتها


ومكشورين على الموضوع

وتحياتي لكم..

[عيون الريم]

هلا لولي
ما نشوووف مشاركاتج في هالقسم وااايد
المقال نفس ما قالت زيزو معمم وااايد في كلامه

وكل دولة او مجتمع فيها الزين والشين
مستحيل تلاقين مجتمع كله فاضل او العكس

مشكورة لولي على الموضوع

[لولي]

مشكورين على المرور

زيزفون انا معاك في اللي قلتيه

محرقاوي مشكور والله من ذوقك

@ُ007@ُ خذت الموضوع من العنوان ..شكرا لك على المرور

ريموووش انا غايبة عن المنتدى وان شاء الله برجع
واشارك اكثر وشكرا على تواجدك