الثوب السعودي كان مرجله .. والحين مهزلة / صور

[AL MoStShAr]

السلام عليكم ورحمة الله وبركاته

أسعد الله أوقاتكم بالخير والمسرات

..

الثوب السعودي صار ألحين فيه موضات وخرابيط مالها داعي

وهذا الثوب اللي كان من زمان رمز للشعب السعودي

اللحين صار لعبة ومهزلة .. وكل واحد يطلع موضة من عنده

هذي صور من الماركة الجديد ( ري ثوب ) صار الان الثوب السعودي مهزلة



http://www.almhaabeel.com/up/uploads/125694714a.jpg




http://www.almhaabeel.com/up/uploads/03f22745ec.jpg



http://www.almhaabeel.com/up/uploads/ff06d5901a.jpg


++ كاريكاتير ++


http://www.x3x2.com/up/uploads/3f69b4ba51.jpg

http://www.x3x2.com/up/uploads/3b39344b7c.jpg



أريد أن اسأل فقط

هل انت ممن يرتدي الثياب المطرزة والمشغوله بالخيوط

اخي الشاب السعودي ,,هل انت مقتنع بما يفعلونه ؟؟

هل ترضى اخي السعودي أن يكون أحد هؤلاء الشباب ابنك أو اخيك ؟؟

هل هذا سيرفع من قيمتنا بين الأمم ؟؟

هل تقبل أن تكون حضارتنا ورقينا على حساب ضياع الرجولة ؟؟


هنا فقط اكتفي بالتعليق من كل من سيمر من هنا


تحياتي لكم

اخوكم حمزه

منقوول

..

[R A U L]

.:[ بسم الله الرحمن الرحيم ]:.

السلام عليكم ..

شكرا ً لك أخي ولد الحسا ..

همم .. سالفه الثوب المطرز الي تكلمت عنه .. شي عادي " بس انا ماحبه -_- "

كاهو محمد عبده , عبدالله الرويشد !

بالحفلات يسلبسون مطرز وألوان غريبه

ويمكن هذي الموضه .. صحيح أنها غريبه !!

بس الدنيا جذي .. مافي شي يبقى لحاله < ---- صايرلي فيها مفتي XD

ثآنكس ,

[AL MoStShAr]

سلام اخووي فهد

طيب انت احيت تكلمت على الثوب المشخط من هنا وهنا طيب مو مشكله

انا ماشفتك تكلمت ع المبروم او مايسمى المخصر او او الضيق او اوا وا

ومشكووور على مروووورك العطر

...
H

[MajDoLiNe]

امممماااااااا عاد ثوب جاهز
ولا علاقي بعد ؟ ههههههههههه:9


اخي الشاب السعودي

:9 :9
اختك زيزفون الشابة السعودية :11 تقول:
اللي بيلبس الثوب لا يتفلسف فيه
خلاص ثوب واسع سادة وانتهى الوضوع
واذا مو عاجبك البس لك بنطلون وتي شيرت ابرك لك
على الاقل منظرك يكون اوكي
اولا:
اذا المسألة مسألة رجولة
ياماااااااا ناس لابسين اثواب تقليدية مو مزخرفة ولاشي لكن مافيهم ذرة رجولة لان الرجل رجل بعقله و بأخلاقه وسلوكه و تربيته وطريقة معاملته للناس من حوله وخااااصة النساء
هنا تبين رجولته صح !
يعني نا اشوف كثير شباب سواء سعوديين او غير سعوديين لابسين بناطليل وقمصان اشوفهم اكثر مرجلة وخشونة وتقدر تعتمد عليهم اكثر من اصحاب الدشاديش :12
ولو بنقول ان اي واحد مو لابس ثوب مهوب رجال - وادري ان هذا مش قصدك بس اقوللك يعني - كان خلصوا الرجال في الكرة الارضية وصاروا حكر عالخليج..:16
اوكي؟

يعني الثوب يا تلبسه مثل ماهو يا تلبس بدلة و تفك نفسك
اما الخرابيط عالي تنرسم عالثوب ذي انا الصراحة رأيي كفتاة انها لا تعجبني ولا استهضمها بتاااااااااااااتا



مشكور ولد الحسا على الارتقاء بمواضيعك يوما بعد الآخر
للأمام دائما .. :12

[AL MoStShAr]

يسلموو عل مرووورك



يعني نا اشوف كثير شباب سواء سعوديين او غير سعوديين لابسين بناطليل وقمصان اشوفهم اكثر مرجلة وخشونة وتقدر تعتمد عليهم اكثر من اصحاب الدشاديش

والله صراحه انا وياك بالموضوع بس في ناس ياأختي بالسعوديه القبائح تبعه مبينها يعني انا بتكلم كحوار عااادي

يعني ضيق جدا جدا وهاذا وربي ماله داعي لاكن الله يهديه

وانشاء الله كل خير

...

[محرقاوي برشلوني]

..

اممممممم

اول شي مشكوور اخووي حمزة على الموضووع الحلو..

..

وانا من رايي انه حلات الثوب مثل ماهوة..

يعني مثل اجدادنا..

لامخصر ولا فيه تطريز ولا شي..

والله شحلات الثوب العااادي..

و مو بس السعووديين حتى احنة بالبحرين عندنا اواادم من ضييق الثووب مايقدروون يمشوون..

يعني والله حلات الثووب يكون واسع وعادي...

..

اممم هذي راايي..

..

تقبل مرووري..


دمت كما تحب..

..

[R A U L]

.:[ بسم الله الرحمن الرحيم ]:.

السلام عليكم ..

انا بينت لك وجهة نضري

وما فيها شي لو خصره !! طبعا ً تخصير مثل الناس .. مو مثل الحريم

وفي ناس وايد يخصرون الدشداشه في الكويت


وما فيها شي لو الواحد يلبس بدلات أو بناطيل

انا البس .. شي عادي

مو شرط الرجال الي يلبس دشداشه " بس "



سلامــي

R

[AL MoStShAr]

حرووق حبيبي اشكرك ع مروورك العطر

والله شحلاته بس انا الحمد الله انا ساتر نفسي

...

[AL MoStShAr]

سلام اخوي فهد

انا بقولك هاذي وجهت نضرك وانا مالي شغل

باايو

H

[R A U L]

.:[ بسم الله الرحمن الرحيم ]:.


انا ماشفتك تكلمت ع المبروم او مايسمى المخصر او او الضيق او اوا وا

شيء غريب .. تسأل الناس

وتفتح موضوع لقسم النقاش .. بعدين تقول جذي

R

[AL MoStShAr]

انا ماقصدك انت هو مفتوح لكل وعلى راحتك اخوي فهد

سلام

H

[حنان الكون]

{ ...

الثوب السـ ع ـودي حدث ولا حرج
بصرآحه ..!
شف بس اللي بالصور اللي طالع كنه
كابوي واللي مقصص الكم !!:23
الثيآب طالـ ع ـه جيكيتآت ماهيب ثيآب
مااشوف فيها شيء يدل على انها
ثوب ولا كلهآ كوم واللي مخصر ثوبه
كوم ثآني:23 :23 .. هذآ مدري شلون يمشي
مع زوجته او اي وحدهـ من اهله :16
كنه مثلهآ بالضبط
حلات الثوب مثل ماقالت زيزو واسع
وعآدي وبكذآ تبآن المرجله ماهيب بثوب
مخصر ولا هالاشكآل اللي فوق:)

ــــــــــــــــــ http://www.q8lots.net/up/q8lots/q8lots_7mOeT3CwJ.gif

ولد الحسآ موضوع جميل
شكراً ..

... }

[عبد الوهاب]

اهلييين حبيبي ,,

اول شي عندي تعليق على العنوان ..
" الثوب السعودي كان مرجله .. والحين صار مهزله "

اممم للعلم ياغالي ما عمر الثوب صار مرجله :)
ياكثر البزارين والوراعين والبنات والخكاري من الذكور يلبسون ثياب
ما قد سميتهم رجال انا :)

انا واحد ما احب اكشخ بالثوب كثير كثر ما احب اكشخ بالقميص والبنطلون
مع اني نصبه بالثوب :p

لكن بس هذا دليل ان الثوب ماهو مرجله

هو صحيح ان الصور اللي فوق ما اقدر اسميهم ثياب
لكن يالله خرابيط وش نقول

لكن مسألة اني بقول الثوب مرجلة ما اتوقع .!

وبخصوص التخصيير والشغلات هاذي
انا كمان عن نفسي ما احب يكون الثووب واسع علي احبه يكون نصبببببه علي

يعني عادي
لكن مسألة بتقولي اني البس مثل اللي فووق لالا ما اتوقع

لكن في اشكال ثانيه ممكن البسها بس مو لدرجة اللي فوق .!

ويعطيك العافيه على الموضوع ,,,

وتنبيه للأخوان اللي يبغون يتهاوشون هنا
المكان مو مكان هواش وطرح وجهات النظر مافيه اي مشكله
لكن في اسلوب للنقاش :)

[عبد الوهاب]

وان شاء الله لي رجعة لأني مو ببيتنا ببيت واحد من العيال

[عيون الريم]

الثوب هالايام ماهو الثوب اللي عرفناه

الشباب هالايام يحطون احدث التعليقات في ثوبهم
حلاته الريال لين يكون لابس ثوب عادي لا مطرز ولا مصبغ بألوان

ولا عاد الثوب الضيج ,,
الواحد لين يكون لابسة يمشي
شوي شوي عشان ما يتفتق حتى
جنه قاطين القطعة عليه ومخيطينها على جسمه


مشكور ولد الحسا على الموضوع
بصراحة عجبني الكريكاتير الاخير
اللي فيه الثوب المعلق



..

[AL MoStShAr]

مشكوورين احبائي ع المرووور العطر

...